Phuket @Jungceylon Big C, @Karon Beach, @ Food court Beach

因早餐不吸引，所以差不多10點才去，點知爆哂勁多人，外面又落勁大雨....
天公不造美呀！我們點租鐵騎士呀？........只好係酒店hea到無雨先出去了。

 

由酒店行去big c好近，為今日的布吉已經不再潑水了，所有水槍亦都全部被收起。
所以我哋直接經酒吧街行出去，見到個四面佛同Lungceylon logo中間直行就會見到big c

 

 

 

 

 
 

商場d嘢唔吸引，只是行big c。

買左d可以即時e肚的，個榴槤好甜.....二盒芒果飯肥維自己食哂。。

 

見好天準備回酒店放低d食物....再取車出去Karon Beach。
係酒吧街見到買粥的小販，我叫了一碗返酒店試下，途中亦見到唔少小動物主人做生意。
又要食又要與動物拍攝，實在不太衛生。

返酒店享受這碗粥80株，十分之熱....才留意到，原來布吉也有去Krabi呀！
而且也不貴，跟去Pui Pui差不多，但可能也是走馬自花，像昨天。
我是從朋友得知krabi的，聽說很靚，現還很少人去。所以要快d去.....

 

酒店租車@俾低400株俾條車匙你，自己去停車場取車，無協助檢查服務！
亦無油，要自己出去揾，我哋唔知車吃油勁唔勁，所以入左二枝(每枝50株)，
結果，用左大約8小時左右，中間停食飯，按摩等等，我估只用了半枝，即不用入油都ok，
祝下手好運了。

 
 

我哋由Patong出發去Karon，我估我哋用左半小時間，中間亦見到大象係斜坡行，沒有停下
拍照，其實都幾危險，很多當地鐵騎士開得很快，去程好似冒險咁...又上山又落山，重覆又重覆的灣路，d大車又無品，真攞命.....回程就好好多，起碼d路已經行過哂。
停低休息下陣就走左，因為個天又落雨，我哋怕返唔到去

 

回到Patong Beach面向海左手邊有降落傘玩，1200株一個大S圈....

 

 




再返酒店休息下，先出去食晚飯。
雖然車係酒店租的，但都唔可以隨便停放係門口，一定要泊係停車場

 

這間The Kee真係唔錯，十分方便。4星係酒店樣樣都齊都算係咁。

 





由於路上的鐵騎士都好少人帶頭盔，所以我們晚上再去出時，為了方便同涼爽都沒有帶上，
只是短短的10分鐘就出事了，除了食"牛肉乾"仲俾那個以為自己好型的阿sir車匙都上繳了...完全不明了，我即時俾錢你，又唔收！要我即時去警局繳交，又唔俾架車我，點去？
又要坐車去？好嬲呀！又熱！這就是泰國的文化？
抄得別人多有報應？少少機會都唔俾，嬲爆....

 

去到警局人影都無個，勁熱！問門口的姐仔，佢又唔明！唔明點解警局裡面無人但門口好多閒聊的姐仔了？
啦啦聲俾底錢，即閃！快d去攞返架車先好講，都唔明？我又不是不交罰款，有好多方法可以阻止我呀！唔俾出境都死啦！錢能解決的，不是問題啦！咁大個女第一次要向警察求請，仲要不成功，仍收錢！

 

算！不要影響我遊布吉心情，攞返架等我可以還返俾人，最重要！有租有還，先係上等人！

 

可能上天見我們很可憐，揾左好耐的生蝦，今晚俾我遇上了！我們係foodcourt @Beach見到好似係香港形式的泰國菜，這裡不是很多人，很多相片樣不錯，揾左好耐都無生蝦，我用我懂的生蝦泰文問佢，生蝦泰文(公碟、公車number)，對方明白！我好開心呀！我問佢點解沒有生蝦相，佢話這個菜不受歡迎....我話：我們香港很喜歡，而且每次黎泰國必想食的。佢笑笑口！okok，幫你做一碟。
但"埋相"嚇倒了，竟然沒有清除蝦頭的毓
很不習慣的樣子呀！但味道仍好好味的。今晚終算大大滿足。

係街邊試炸魚蛋

最後我們再繞道一圈，遇到有大型電單車車展，大飽眼福