第一次布吉之旅@ MINI Bus@The KEE @Spa @Patong Beach

我哋坐08:55港龍機，所以晨咁早要出機場食早餐。
今次布吉之旅無行程，問過d去過的朋友，都話成條Patong Beach有好多lacal tour店鋪，對布吉的認識只有一塊石頭(James Bond Island)。我睇旅遊書，佢既位置在攀牙灣感覺與Patong都幾遠，如果一日得唔得呢？唔知有無機會去？聽說這塊石過多十年廿年會消失，咁我地又第一次黎玩，很想到此一遊。

 

 

港龍班機好full，應該爆哂，我們坐第三行，可能早左check in！除了外國人，最多係內地人，在香港轉機(我估)。份飛機餐都很豐富，有港式點心但對我唔吸引，我需要瞓多d
唔該肥維了。

這程機真的很辛苦很辛苦，除咗BB喊聲外，坐係我後面那個小朋友真錯，父母亦認為無問題，我瞓下忍下，忍左2個半小時間，我同肥維講，我忍唔住了，我起身望住佢阿媽，無諗過佢阿媽表情仲巴閉的什麼什麼！我沒有出聲，大家眼神已明白了。我乖乖坐下，我輸了，我忍。內地人，我嬴不過你，你認為你兒子行為是對的，無問題，人在做天在看，他將來要遇的事更多，總部有一個忍不住，祝你好運。

這三個半小時很難過，總算過去了.....

 

 

攞完行李出左閘後，很多人圍住你問你去邊呀？要咩車呀？
眼見有3,4間這些店，寫明去邊幾錢，真係很方便，值得一讚！仲有按摩店。

我哋無周圍行呀！買左minibus車飛後，話埋俾佢地知"酒店名"，就好像賣豬仔咁跟住行了出去。

 
 

出左去後仍有很多租車的服務，所以吉布自駕遊真的很方便。
我地住係最旺的巴東市中心，所以都唔使驚無嘢食無嘢玩。
見到個天很藍很靚，希望這幾天都咁好天。

 

遊左大約一小時，終於到我哋住既"The Kee Resort & Spa"，酒店勁多人，泳池有特別活動舉辦，好熱鬧！
有welcome drink同凍毛巾。俾左按金後立即上房，除左幫我們拖大型行李，連背包都幫手，所以我俾左50株佢。

 

 

房間都很大，仲為我們裝飾了二隻天鵝，十分漂亮呀！
但無牙刷牙膏亦無面巾，唔知係唔係取左黎做天鵝？
由12/4-14/4都有特別慶祝潑水節的活動。

酒店大部份都是外國人，因為之前了解過很多香港人或香港團都會選擇這間酒店。
為位置優越，又近酒吧街！

 

但今日完全行唔到酒吧街，因已變成了潑水街.....
我們要先去e肚，天氣都很熱，就是雲很厚，沒有剛剛到步的藍天
行兩步就俾人射兩下，感覺不好受。要有投入氣氛的情況下才感到潑水的快樂！
不然只有'嬲"字

 

想揾一間好像香港的泰國菜都很難，全都係max飯店，全部海鮮！
可能岩外國人口味，啤酒、漢堡包、炸雞......很悶
很無奈下，我們在這裡落腳，老闆也是外籍人士(從飯店的相片所估)
其實，也有泰式炒飯，燒魚，但仲衰過香港，而且價錢同香港差不多。
黎泰國，不是應該到處都是正宗的泰國菜嗎？

 

之後，計劃一下我哋幾日既行程.....之前問過朋友出海玩每人大約1000株，這就是我既目標。這是我哋第一間問，亦是唯一一間，沒有再去其他地方比較。
問Pui Pui Island，開價2400株，我地本已想走，我地自己諗邊可能殺佢1000株呀？
佢問你哋多少人玩？(只有我哋)。我哋也不敢殺佢價！只是再問下其他島價錢，之後佢介紹James Bond Island，每人2800株，嘩！我認識這裡，我問佢真的可以去，即日來回？大鄉裡，又不做功課。佢俾哂行程我哋了解，其實我們也15.16，怕是騙人，隨便揾一塊石騙我哋。我重覆又重覆問佢.......
都係要講開個價先，我開Pui Pui 1000株，她們笑我.....勁無耐....
佢1600株ok, 我堅持1000株，佢點都要我加d....又話現在新年多人要加d，佢地做唔到，
我心知，我開錯價了，應該開800株，後加佢200株，咁就是朋友告訴我的1000株一位了..
最後Pui Pui2400株(二位)，James Bond 2800株(二位)，即原價的半價。
下次要去朋友明了，記住！佢哋喜歡講價，開d低再加dd俾佢，大家開心了。
蛋島沒有Join，去一日休息一日，得5日時間太短了，天天都出島，真的會累死，無時間休息

 

肥維勁想租電單車，但現在租，明天又出海，無時間出遠d，所以今日都係唔租住，
酒店租400株(24小時)，街邊180-200株(8小時)

 

返酒店休息下，發覺帶黎的硬幣不是株......

 

行出Patong Beach，好長好闊，沙一般，水唔ok，跟本不能遊水，水不清澈，與相片中的完全不同，我哋立即想起剛才join的島會否令人失望。連平常的車也可以駛入沙灘，印象不好。

下雨了下雨了.......朋友叫潑水節不能穿雨衣，真的很樣衰，但我感覺穿了一定好好，什麼都不怕，有被保護的感覺。

 

我們黎到這間做推油，一小時250株勁平試一試。肥維那個就一般，我那個好d，都幾舒服。佢哋都好nice..

 

 

全身鬆哂，又要被射水....更無耐，左右都難閃避，結果我們在街e肚，一黎很多店已經關左，因為明天新年，佢哋放假呀，個個都走出街開水戰.....成條街最多小販，好像我們新年一樣，嗅豆腐也是新年才在街上見到。
玉米60株，不熱不甜勁難吃，炒麵炒粉炒菜260株更好味好味！串燒唔記買左幾多串，好似都係幾百株，串燒亦好好味！

 

 

全條街的人都好高漲，high爆！除了泡泡池，仲有其他表演...
但我們還是早些回酒店休息，明天7:30出發Pui Pui Island，希望好天。