鄭王廟、卧佛寺、海南雞、Erawan tea Room @ 華欣曼谷自由行

酒店無包早餐所以我哋在附近揾食，黎間早餐唔平大約190-250株一份重要加17%(10%服務費7%稅)，好彩唔難吃

 
 

跟住出發去鄭王廟，由Asok站坐去Sapan Tsksin站，在公眾碼頭坐船去N9，舊年我們住左曼谷半島二晚，已經好熟那個碼頭。本來行程是先去大皇宮，卧佛寺最後回鄭王廟的。結果我們早左一個站落船，即來回要俾多6株的對面船費啦！

 

每人50株門票，只買三張肥維不入去，進入時無人收票，我們直行直過，上完去才知道收票位置，所以我出來接肥維再進入一次，第二次也不收票.....

 
 

在高處望湄南河好靚，其實上到就擔心如何下去，上面面積不大，人多迫近時走動也怕怕。絕不能看少呀！我下來時由於太驚肌肉收緊，之後幾日有一邊大腿痛...堅持最後行程。

 
 

幸好媽沒上到最高，我記得當時我還不斷叫佢上去，唔怕唔怕。她自己沒有信心堅持不上，到自己上到去時才知道，好彩媽無上黎，如果唔係都唔知點算....

 
 

離開鄭王廟天色已陰，原來卧佛寺的門票加左，100株/位，又無左400株，香油每份20株，其他自已隨心.....我睇旅遊書話，身體那裡不舒服就貼上金博在佛像的身體位置，身體就會健健康康不再痛了。

 

誠心參拜，全家身體健康....不敢亂求什麼...

 
 

緣份在這裡，竟然遇到在華欣帶我們去玩的導遊...今日他帶領另一個遊客來卧佛寺

 
 

雖然大皇宮就在旁邊但現下大雨，而且大家都很累！不去大皇宮很可惜，爸媽不斷話夠了夠了，大皇宮門票很貴，但我們舊年許下的願望未達成....很失望地離開N9碼頭，去食cow門雞....很失望去到粉紅T店.....買哂準備中午休息.....又係好似上年咁，去綠色t-shirt那間吃....爸唔多喜歡熱辣辣的感覺....爸媽唔多欣賞....

 
 

未去食海南雞時，我們walkin Erawan，當然無位了，留了電話4位，4點call返我哋，我哋當休息下，叫了二個tea set再加二杯奶茶，奶茶真的要讚下，茶味很香，140株一杯也值得試。因為我們已經食飽飽...所以感覺食物不好吃....當時肥維係叫了四個set，給我叫停了，因為我知道一定食唔哂，而且泰國同香港唔同，是一人一份，結果大家有不愉快的tea...大家出發點唔同，我抱住適合不要過量，而且可能再遇上好味的又想吃的東西呢？這個tea令爸媽都在擔心我們相處之間有問題....

 
 

之後去Big C買手信及爸最喜歡的紫菜....肥維繼續嬲不與我們入去。買到大包小袋一定要先回酒店休息，我知道晚上他一定又想去按摩...爸媽很累不想再出來，所以我們自己去吃少少再打包帶回去...發覺foodcourt什麼都有，連椰子雪糕也有而且只需30株...

 

之後同肥維去推油，我其實全身好累加上大腿痛，好怕這個時候放鬆會病呀！但我也要陪下老公，知道佢唔開心...但其實我唔了解他為何要天天按，雖然很低但也不能當食飯一樣是必要的動作！無時無刻都累需要按摩，難度我的肥維天天工作做苦工？我知道今晚就算我不陪他，他也會自己去..............
重點這間SWEET MASSAGE好唔得，仲衰過之前個間，肥維提議再試多一間