Airport bus+Airasia(International)+Airasia(Domestic)+School bus+Montenegro Boat+Tricycle="Boracay"

晨咁早起身，就是為了遇留時間食一個豐富的早餐！
平價機票怕會好多人，要準時到機場check in，而且想快些見下新朋友

過境的時候，我們已經見到Jef同佢女友了。很害羞，沒有主動上前打招呼...(跟蹤...又怕被發現呀...哈哈...)
上機前同Jef whatsapp過，知道佢同女友食早餐中....一直都不想給對方太大壓力。
我們先上機了，後來肥維見到佢地上機，Jef 仲主動同我們打招呼
感覺很開心及很安全，一起出發呀！ 

 
 

日日都見唔到藍天，就是因為這麼厚的白雲蓋住呀！白雲上的藍天很藍，很無盡的美呀！
0935am-11:30am
好快二小時到左Clark了，同去馬尼拉一樣。
細細個已經知道菲律賓一個千島，每次都去探親，今次是真正旅行，感覺很開心！有期望的感覺呀！

 

Clark機場應該重建中吧！入口是臨時的吧？"感覺"似一條隧道呀！
整個機場比想像中大，應該是重建中關係，所以內裡仍很單簡。

 

入境都不是很慢(比泰國快)，因為少人黎呀，很快出到去

旁邊仲有個小型飛機場，仲俾我們見到起飛情況，似玩嘢多！
風大好強，吹到頭髮亂哂！

 

出左黎，急急腳去買嘢飲！可惜係唔凍(係冰櫃裡但唔凍)，賣得太快或是天氣太熱？
黎條香蕉雪條係提子味ga，香港無的！在這個時候仲認識多二位香港的朋友仔(Jackie, 明)

 

個呢度入返去，"過機照拖鞋"，係Airasis 櫃台Check in後再去買150php 稅，入到裡面再做一次"過機照拖鞋"咁就可以等上機。早左半個鐘呀，咁即可以早些到呀
1500-1600

 

Clark的陽光好好呀！希望Boracay都咁好了...

很擔心無得食，所以訂埋餐，結果係...唔好食！
飛得很快呀！個人感覺菲律賓航空的機司好好！好穩定！
呢位機司降落做得好好呀！唔知係唔係都菲律賓的機司呢！

 
 

嘩！越來越近個海呀！多些圖板更有氣氛！上次媽媽在這個土人公仔板拍攝，我也來一張。
在這裡坐二小時車程可以回老家。
同樣二小時車程可以到Boracay碼頭，今次我們有Jef 及Jackie的協助，在Kalibo機場同這家Soutwest公司買票，他們有巴士及船一條龍服務(沒有記錯每人是280php不包稅，他有要求我們買稅，每人是180php(可以選擇不買)。Jef去過一次，記得不過180php)，所以我們決定去左碼頭才買

 
 

原來是大巴呀！不是小巴，我們6人很開心地跳上，好像被賣的豬仔呀！Soutwest信你了。

 

上到車裡，有人會派個貼紙(該公司logo)俾你，同一組人填寫一份表(問下你幾時離開Boracay，住咩酒店等)

等齊人就開車，有專人會講解車程幾耐，中間會有休息，俾你去買下飲料或小便！
(我只想快d到碼頭)
我留意到，同車的人不是全部直接到kalibo買車飛的，他們的貼紙是My boracay Guide！
這間公司我有留意過，之前都想訂購，因為有專人接送，來回接送(由Kalibo機場到Boracay)，每人是1500php(全包)，貴左一倍呀！(Jef 最叻，Thank you)

坐左二小時有多的巴士，天都黑哂了！終於到了Boracay碼頭，鬆了一口氣！
大家一齊去買稅，果然平過Kalibo機場買，Soutwest騙我們是一樣價的，好像沒有同佢買。
只需175php呀！平了5php呀！仲有這裡可以收到wifi呀！可以同家人報個平安！
由家到這裡花了接近12小時了，真的不簡單呀！

 

上船了，我們坐的是Montenegro快艇，天氣太黑了，碼頭的情況看不清楚。豬仔團上船，船裡很舊，但坐位舒服，冷氣好夠(好凍)。太黑！望唔到外面，我在計劃，下船後食飯先及去book潛水先？好快，15分鐘就到了。我們都笑笑...船有行過嗎？

 

咁樣進入船上，肥維小心撞到頭呀！(高人要小心)

 




終於到步了，要同Jef , Jackie他們分開了，謝謝你們的幫助呀！
 (Jef 温馨提示我，我們住酒店比較遠， Tricycle可能比較貴)
1號、2號、3號碼頭都是公價100php，我們決定先餓住個肚去3號Diving School ，因為我們留Boracay 的時間實在太短了。如果今晚book唔到明天玩，咁就不夠24小時間休息，坐到飛機離開呀！

Tricycle司機很快就送我們到某路，要求我們自行出海邊，我叫佢等我們一陣，我加多50php給他，因為我不知道會不找到店，而且我見附近無咩車，結果佢話收工了，要回家食飯！只好見步行步，黎到一間同相名的店，但是只賣潛水裝備，幸好是同一間公司，店員幫我打電話去通知Diving School 等我。在店員的指示下，我們很快黎到Diving School報名，我同店員講，朋友介紹我這裡有香港教練，店員話個教練去左宿霧呀！咁明天有位嗎？佢話有普通話教練，嘩！正到爆，幸運之神在我身邊呀！我同教練通過電話，約實明天的時間，俾埋3000php，簽了協議書，閃人。
 

 

我們在沙灘走了一段時間(唔知幾耐)，越行越熱鬧，大家都很輕鬆在玩，我們郤拖著行李...
又累又餓，黎到這間比較多人，"Shakeys"應該好味了，而且地圖上亦有推薦。
結果係唔錯，意粉好好味，pizza很特別！

這是dmall中心了，很熱鬧，很多嘢食很多店。
很想同佢地合照，明天也有機會吧！很累...
今晚住的酒店在Barangay Yapak區，比較遠，要快些回酒店check in
在便利店門口在Tricycle 100php, 沒有講價了，只想快些回酒店個機司開得勁快，前途我們都看不清楚，佢轉彎也沒有收油，真令人擔心....
我有叫佢慢些，佢沒有理會我，勁無奈...什麼都好呀！安全第一

酒店有一條斜道(之前了解過)，沒想到司機竟然車到門口，條道很錯，佢俾盡油上，我們勁驚爆胎...我們俾多20php佢，當小費了。
Soffia以貝殼及油畫為主要裝飾，亦有shuttle bus，班次唔多，1小時一班，明天可以坐去dmall。

 

 

 

有歡迎飲品及貝殼鏈送我們！房間整體ok，就是熱水(時熱時冷)，冷氣機是窗口式，很吵。
個人要很靜才能入睡。

 

已經2230了，泳池呢個位收wifi最好，但22:45他們關燈，竟然連wifi都關了。
我們沒有叫佢開，"報了平安"就夠了，不是來上網的。
也要沖洗，準備明天的行程。