Bali @ Aston Denpasar hotel and Convention Center

 

 記錄:30-5-2013
 

由遲左20分鐘出門，老豆已經很心急了。家姐同姐夫早一到了機場，又同我們講機場很多人，搞到我們轉坐機場快線 ，可能接近放聖誕假很多人出門。我們在香港站用左40分鐘Check in ，好彩架車快20分鐘已到機場，搞到肥維一家很趕急

 
 

昨天同樣也坐這班機出發的阿哥阿嫂，同三位好朋友，這個時間應該已經準備去做spa了。我們要向峇里島出發了...今晚見....希望唔好落雨了。

差不多5個鐘頭，全機爆滿....剛剛落完雨，天陰陰...

 

我們要分頭行事，我同肥維要先去Blue Point Chapel rehearsal & briefing
而親自們就回酒店休息...

 

到左Blue Point剛遇到一對新人準備行禮，正在落雨中了
工作人員亦努力準備中，不斷抺地....希望我哋遇到好天了...

 

 

回程既時候勁塞車，簡值想喊....個心好急唔知佢哋如何？電話又打唔通，唔記得抄低酒店電話.....同樣佢哋亦會很擔心我哋，塞左2個多鐘.....終於見到大家都坐哂係大堂等我們，我眼濕濕了，我媽話你擔心什麼呀？我哋咁多人，你哋二個未返我哋先擔心了。
行程有變，原本今晚係想去 Ikan Bakar Cianjur食印尼餐...但外面勁塞車，阿哥阿嫂仲有我的好朋友亦仲未到，急死了我。事事都不順.......

 

 

最後齊人，我們決定留在Aston hotel食晚飯，心情很差，唔知下一步如何？問題多多，阿哥問點解唔訂我哋同一間酒店？一個一個的問題？點解我成為大家的回應者？終於忍唔住喊了出來，大家出錢出力出時間陪我哋黎到咁遠結婚，第一日就已經搞到咁差
酒店得一間餐廳，沒有什麼選擇，出菜又很慢很慢，好似得一個人煮..........大家第一餐坐底食飯就咁，十分之唔開心，很唔想是這樣。感到很對唔住大家。

 

 

 
 

多謝大家的照片，現在才可以同大家分享

 

房間都是可以望到泳池的，間間房一樣，今晚酒店亦都係全滿爆哂。

想訂多一間無。