求婚戒指及結婚戒指

11年1月1日，肥維話不如去睇下d指環，我無諗過睇完即買左，仲買埋結婚戒指。

咁即要準備結婚啦？其實有諗過結婚，但好像太突然，但很開心佢有計劃。

當時我地都仲定了1111係訂婚日，結婚日子就想在2012才決定，所以戒指都核左訂婚日期1111。

雖然肥維不是第一次送鑽戒俾我，但黎粒係自己揀選的，很開心很滿足呀！

 

返到家，當然立即同家人講我們有咁既打算啦！大家都為我們很開心。媽仲打電話問親戚結婚可以選擇的日子。

好像發夢這個好事要發生係我身上了，我應該點處理，要話俾我d好朋友知，打俾邊個先呢.........

今年，三月尾知道我們不可以等到龍年才結婚，因為龍年同我們不好。師夫俾了日期我們選擇，望住可以揀的日子不多，時間也很迫切，很痛頭呀........

我們終於決定年尾即12月。

我們一直都有諗住到海外註冊，所以網上立即找有關資料，去了三間有辦理海外註冊的公司詢問過後，諗了很耐.........各有各好，只想順順利利及可以照顧埋家人朋友的參與，但原來都很難選擇的....所以上網找一些有在海外結婚的朋友詢問，非常感謝有回應我問題的朋友仔呀！